🎓 Angkor University proudly joins the Opening Ceremony of the 4th Study in Europe Fair 2025 🇰🇭🇪🇺

ថ្នាក់ដឹកនាំ និងគណៈគ្រប់គ្រងសាកលវិទ្យាល័យអង្គរ បានចូលរួមក្នុង ពិធីបើកសម្ពោធពិព័រណ៍ការសិក្សានៅប្រទេសក្នុងសហភាពអឺរ៉ុប (Study in Europe Fair) លើកទី ៤ និង កិច្ចសន្ទនារវាងសាកលវិទ្យាល័យ វិទ្យាស្ថានស្រាវជ្រាវ និងវិស័យឯកជន នៃប្រទេសកម្ពុជា និងសហភាពអឺរ៉ុប។ ពិធីដ៏មានសារៈសំខាន់ប្រពិត្តិទៅក្រោមអធិបតីភាពដោយ ឯកឧត្តម បណ្ឌិតសភាចារ្យ ហង់ ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និង ឯកឧត្តម អ៊ីហ្កូ ទ្រីសម៉ាន់ ឯកអគ្គរដ្ឋទូតសហភាពអឺរ៉ុបប្រចាំព្រះរាជាណាចក្រកម្ពុជា។ កម្មវិធីនេះ មានគោលបំណង ពង្រឹងទំនាក់ទំនង និងសហប្រតិបត្តិការផ្នែកអប់រំ និងស្រាវជ្រាវ រវាងគ្រឹះស្ថានឧត្តមសិក្សា និងដៃគូអឺរ៉ុប។ ការចូលរួមរបស់សាកលវិទ្យាល័យអង្គរនៅក្នុងព្រឹត្តិការណ៍នេះ ជាសក្ខីភាពនៃការប្តេជ្ញាខ្ពស់ក្នុងការជំរុញឧត្តមភាពសិក្សាអន្តរជាតូបនីយកម្ម (Internationalization) និងការអភិវឌ្ឍកម្មវិធីសិក្សាឱ្យសមស្របនឹងស្តង់ដាអន្តរជាតិ។